खुशियालीजीवनएवंस्वस्थसमाजकालागिराजयोगमेडिटेशन_शिविर विषयक ७ दिवसीय आवासिय शिविर उद्घाटनका केही झलकहरू। कार्यक्रममा ब्रह्माकुमारीज् नेपालकी वरीष्ठ उपाध्यक्ष एवं सह-निर्देशक आदरणीय राजयोगिनी ब्रह्माकुमारी कमला दिदी, ५ नं. प्रदेशका आन्तरिक मामिला तथा कानुन मन्त्री माननीय कुल बहादुर के.सी., ५ नं. प्रदेशका माननीय सांसद इन्द्रजीत थारू, ५ नं. प्रदेशका माननीय सांसद चेतनारायण आचार्य, तिलोत्तमा नगरपालिकाका मेयर बासुदेव घिमिरे, ग्लोबल पिस रिट्रीट सेन्टरका निर्देशक राजयोगी ब्रह्माकुमार नारायण (नरेन्द्र) दाजु, बरीष्ठ राजयोग प्रशिक्षक राजु घले लगायतका विशिष्ट व्यक्तिहरू मंचासिन हुनुहुन्थ्यो । कार्यक्रममा करीब ३०० जनाको उपस्थिति थियो ।

बुटवल, नेपाल: ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र नेपाल, क्षेत्रीय कार्यालय बुटवलद्वारा ग्लोबल पिस रिट्रीट सेन्टर, ढवाहा, बुटवलमा आयोजित #१५दिवसीयदुर्व्यसनमुक्तिएवंजनचेतनामूलककार्यक्रम–#महाशिवरात्रिमहोत्सवको उद्घाटन समारोहका केही झलकहरू… कार्यक्रममा ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र नेपालकी वरिष्ठ उपाध्यक्ष एवं सह–निर्देशक ब्रह्माकुमारी कमला दिदीको अध्यक्षता एवं भौतिक पूर्वाधार विकास मन्त्री माननीय बैजनाथ चौधरीको प्रमुख आतित्थ्यता, ग्लोबल पिस रिट्रीट सेन्टरका निर्देशक ब्रह्माकुमार नारायण दाजु, १२ नं. वडाका वडाध्यक्ष, दुर्गा सुवेदी, समाजसेवी एवं लुम्बिनी वाणिज्य क्याम्पसका पूर्व प्रमुख डा. ईश्वर गौतम, सनराईज बैंकका ५ नं. प्रदेश प्रमुख राजेन्द्र घिमिरे, माउण्ट आबू, भारतबाट आउनुभएका प्रोफेसर एवं शिक्षाविद्, प्रत्रकारहरु आदिको आतित्थ्यता थियो । कार्यक्रममा केक कटिङ्ग एवं परमात्मांकित झण्डा फहराउने कार्यक्रम समेत सम्पन्न भयो । अन्त्यमा माननीय मन्त्रीज्यूले रिट्रीट सेन्टरमा वृक्षरोपण समेत गर्नुभयो । कार्यक्रममा विभिन्न विधाका लगभग ५०० जना व्यक्तिहरुको उपस्थिति रह्यो ।