बह्माकुमारी ईश्वरीय विश्व विद्यालय क्षेत्रीय कार्यालय बुटवलले पिस पार्क कम रिट्रीट सेन्टर, बुटवलमा खुशियाली जीवन एवं स्वस्थ समाजका लागि राजयोग मेडिटेशन शिविर विषयक ६ दिने आवसीय राजयोग शिविर बह्माकुमारी ईश्वरीय विश्व विद्यालय, गुल्मी क्षेत्रकी संचालिका राजयोगिनी ब्रह्माकुमारी सीमा दिदीज्यूको अध्यक्षता एवं ग्लोबल पिस रिट्रिट सेन्टरका निर्देशक राजयोगी ब्रह्माकुमार नारायण (नरेन्द्र) को प्रमुख आतिथ्यतामा अन्तर्राष्ट्रिय स्तरका कुशल प्रशिक्षक ब्रह्माकुमार राजु घलेको प्रमुख प्रशिक्षण कार्यक्रम आज सम्पन्न भयो । कार्यक्रममा विभिन्न जिल्लाबाट सहभागी हुनुभएका विभिन्न वर्ग र क्षेत्रका १२० जनाको उपस्थिति रहेको थियो । उक्त प्रशिक्षण कार्यक्रम, दिनभरीको कार्यव्यस्तताबाट मानव मनमा सिर्जित तनाव र सोको व्यवस्थापन गरी खुशीयाली जीवन एव स्वस्थ समाज निर्माण गर्ने कला संग सम्बन्धित रही मर्म स्पर्शी एवं व्यवहारीक प्रशिक्षण गरिएको छ । कार्यक्रममा बोल्दै बह्माकुमारी ईश्वरीय विश्व विद्यालय गुल्मी क्षेत्रकी प्रमुख संचालिका राजयोगिनी ब्रह्माकुमारी सीमा दिदीले कुनैपनि व्याक्तिले आफू भित्रको काम क्रोध लोभ मोह र अहंकार जस्ता विकार नाश नगरेसम्म उसमा सकारात्मक चिन्तनको विकास नहुने बताउँदै आजको विश्वमा नकारात्मक चिन्तनको हावी भएकाले विश्व जगतमा सुख शान्ति र अमनचयन नभएको धारणा राख्नुभयो । उहाँले आजको समाजमा नैतिक मूल्यको गिरावट आएकोले समाजलाई मूल्यनिष्ठ बनाउन र व्याक्तिमा सवैगुण स्थापित गराउन राजयोग अभ्यासको आवश्यक रहेको कुरालाई जोड दिनुभयो ।
मन्तव्य राख्ने क्रममा सैनामैना व्यापार संघका अध्यक्ष दुर्गा प्रसाद गौतम, युनाईटेड अस्पताल, ४ नं. जीतपुरका निर्देशक सुन्दर आचार्य, पतञ्जली योग समिति कपिलवस्तुका अध्यक्ष आत्माराम आचार्य, गंगाकुमारी न्यौपाने, डुक बहादुर बस्नेत लगायतका व्यक्तिहरुले आ–आफ्नो मन्तव्य राख्नु भएको थियो भने सहभागीहरु सबैले सबैलाई प्रेम गर्न सिकौं, प्रेम नै सबै समस्याहरुको समाधान हो, अब देखि कहिल्यै पनि नकारात्मक कुरा नसुन्ने र नसुनाउने आदी बाचाका साथ आ–आफ्नो प्रेरणादायी अनुभवहरु प्रस्तुत गर्नुभएको थियो । यसै गरी कार्यक्रमका प्रमुख अतिथि संस्थाका क्षेत्रीय सचिव एवं ग्लोबल पिस रिट्रीट सेन्टरका निर्देशक ब्रह्माकुमार नारायणज्यूले सम्पूर्ण शिविरार्थीहरुलाई शिविरबाट प्राप्त ज्ञानबाट नयाँ जीवन जीउनको लागि बधाई दिंंदै ग्लोबल पिस रिट्रीट सेन्टरले गरेको कार्यहरु लगायत ब्रह्माकुमारी ईश्वरीय विश्व विद्यालय बुटवलमा निर्माण हुन गईरहेको उत्कृष्ट राजयोग सभागृहको बारेमा स्पष्ट पार्नुभयो । कार्यक्रम ब्रह्माकुमारी मीनाले सञ्चालन गर्नुभएको थियो ।