आध्यात्मिक उडानको चुचुरोमा पुग्नु भएकी, ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र अन्तर्राष्ट्रिय निवर्तमान प्रमुख, Most Stable Mind in The World (विश्वमै स्थिर मन भएकी महिला को उपाधिले सम्मानित) विश्वको १४५ भन्दा अधिक राष्ट्रहरुमा मानवीय मुल्य तथा राजयोग शिक्षाको बीजारोपण गरी हजारौं सेवाकेन्द्रहरुको स्थापना गरेर लाखौं आत्माहरुलाई एक नयाँ जीवन दिनु भएकी परमआदरणीय राजयोगिनी ब्रह्माकुमारी डा. दादी जानकीज्यूले १०४ वर्षको उमेरमा आफ्नो पुरानो देहलाई त्यागेर परमात्माको काखमा जानु भएको आज १३ औं दिनको पुण्य तिथिमा उहाँ प्रति भावपूर्ण हार्दिक श्रद्धासुमन तथा श्रद्धाञ्जली अर्पण गर्दछौं ।

– ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र नेपाल, क्षेत्रीय कार्यालय बुटवल तथा ग्लोबल पिस रिट्रिट सेन्टर, बुटवल ।

बुटवल, नेपाल: ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र नेपाल, क्षेत्रीय कार्यालय बुटवलद्वारा ग्लोबल पिस रिट्रीट सेन्टर, ढवाहा, बुटवलमा आयोजित #१५दिवसीयदुर्व्यसनमुक्तिएवंजनचेतनामूलककार्यक्रम–#महाशिवरात्रिमहोत्सवको उद्घाटन समारोहका केही झलकहरू… कार्यक्रममा ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र नेपालकी वरिष्ठ उपाध्यक्ष एवं सह–निर्देशक ब्रह्माकुमारी कमला दिदीको अध्यक्षता एवं भौतिक पूर्वाधार विकास मन्त्री माननीय बैजनाथ चौधरीको प्रमुख आतित्थ्यता, ग्लोबल पिस रिट्रीट सेन्टरका निर्देशक ब्रह्माकुमार नारायण दाजु, १२ नं. वडाका वडाध्यक्ष, दुर्गा सुवेदी, समाजसेवी एवं लुम्बिनी वाणिज्य क्याम्पसका पूर्व प्रमुख डा. ईश्वर गौतम, सनराईज बैंकका ५ नं. प्रदेश प्रमुख राजेन्द्र घिमिरे, माउण्ट आबू, भारतबाट आउनुभएका प्रोफेसर एवं शिक्षाविद्, प्रत्रकारहरु आदिको आतित्थ्यता थियो । कार्यक्रममा केक कटिङ्ग एवं परमात्मांकित झण्डा फहराउने कार्यक्रम समेत सम्पन्न भयो । अन्त्यमा माननीय मन्त्रीज्यूले रिट्रीट सेन्टरमा वृक्षरोपण समेत गर्नुभयो । कार्यक्रममा विभिन्न विधाका लगभग ५०० जना व्यक्तिहरुको उपस्थिति रह्यो ।